inv1977

http://chaozmarket.blogspot.com/2009/05/2009-05-25.html

5 月24日，周日。上午才剛從溫哥華返港。技術上睇，恒生指數高點在5月11日（17685點）【圖】，道指高點在5月20日（8591點），係咪另一次 Sell in May ?! 去年5月5日恒指見26387點、5月19日道指見13136點後，一直跌到10月才反彈（美股更要跌至今年3月6日才反彈）。唔少人認為牛市一期已出 現，我老曹則認為只係熊市二期另一次大反彈。

1980年代美國透過財赤及信貸膨脹，製造1982至2007年嘅繁榮。不過，出得嚟行，就預咗要還，CDO危機係咪美國進入為過去財赤及信貸膨脹清還期嘅開始？

CDO危機令金融業結構改變

今 天好難令一般人明白CDO危機，因為過去三十年我地都生活喺泡沫世界，冇人相信泡沫時代已結束，就如1990年日本人唔相信經濟會衰足咁多年，亦好難說服 一般人相信盛衰循環。事實上，無論經濟或信貸，都擺脫不了周期（Cycle），正如人類無法擺脫生老病死。聯儲局已經努力去bail out經濟，來自日本過去十九年經驗，上述努力只能短暫有效，因為貨幣流速在下降中。由於2009年美國財赤較任何一年都大四倍，外國人對美債擔心不已， 尤其係中國政府，擔心最大一個泡沫美債亦面對爆破，去槓桿化仍在繼續，睇落未來幾季全球經濟只會進一步惡化而非改善。標普已威脅取消英國政府債券三A評 級；美國政府發新債方面亦面對困難……另一熊市反彈會否喺5月結束 ?!

S&P／Case-Shiller住房指數連跌二十五個 月，4月份再有六十萬家庭失去住屋，已過期六十天未供樓數字超過五百萬。此外，商業樓價亦大幅回落。雖然信貸膨脹期結束，但至今仍有唔少人相信「買樓可以 發達」，而冇搞清楚1980年代美國優惠利率平均係11厘，儲蓄率佔稅後收入8％；2004年開始至2008年美國人儲蓄率平均只佔稅收入0.8％，優惠 利率平均只有3厘。上述因素令美國樓價由1980年代開始至2006年大升，但2007年起樓價已進入回落期（日本樓價從1990年起回落，香港樓價由 1997年亦反覆回落）。

2008年係最多投資者由價值投資法過渡到趨勢投資法嘅一年（或叫Earnings Momentum Investing）。投資者再唔計較股票係咪「物有所值」，改為分析未來企業純利前景，而決定現存趨勢（trends）能否繼續落去。簡單D講：一、該 股未來一年純利能否上升25％或以上？二、該公司有冇新產品或新服務，支持未來純利上升？三、該股股價係咪較最低價最少上升25％？四、喺行業中係帶頭者 抑或落後者？五、後市點睇？因75％股價升降受大市升降影響。2008年你有冇由價值投資者轉為趨勢投資者？如果你係trader，必發現今年3月份有好 多機會buy dips，今年5月份則有好多機會sell tops。至於動用幾多巴仙資金？以晚上瞓得着為主。後市展望係“Less bad' but no good”。馬克吐溫曰：當你發現自己站响群眾嗰邊，就係停下來想一想嘅時刻。請記住︰CDO危機已令整個金融業出現結構性改變！

1989 年12月29日日經平均指數見38957點，之後回落到1992年8月19日14194點，跌幅63.56％；然後反彈至1993年9月3日21281 點，上升49.9％；再回落到1993年11月29日15671點，出現第二低點，才喺1996年6月26日見22750點，出現一浪高於一浪走勢。當時 唔少人認為1992年8月19日係日經熊市結束嘅日子，當年嘅情況同上周本港相似。上周恒生指數升穿2009年1月7日嘅15763點，見17685點， 情況同1996年6月26日日經平均指數見22750點、略高出1993年9月3日21281點相似。當年唔少人認為「牛市重臨」嘅日經平均指數，事後證 實係熊市陷阱。之後日股表現係點？答案係日經响1998年10月9日跌至12877點新低。如港股一如1990年代日經走勢，代表恒生指數喺未來日子可能 連10680點亦失守！日經平均指數由1998年10月9日到2000年4月12日又升上至20833點，再回落到2003年4月28日7603點後，反 彈至2007年2月26日18300點，再跌至2008年10月28日6994點新低，至今已經十九年，日經平均指數熊市仍未完成。

趨勢投資十種有效工具

以下十種有效工具，有助初學趨勢投資法嘅讀者：

一、每次升市領袖股都唔同。例如1998至2000年科網股，2003至2007年係國企股。如抱住過氣領袖股不放，處境有如2009年5月嘅電盈（008）小股東。

二、創五十二周新高價嘅股份，通常可進一步睇好。

三、10天線同50天線係有用嘅trading工具。如10天線重返50天線之上，即短期內股價仍上升；反之如10天線跌穿50天線，都係小心D好。

四、二線股份出現連續強勢數星期但指數卻唔上升，小心調整市好快出現。

五、公布業績後股價如上升10％（或以上），代表跌市方向改變；如公布業績後股價急跌20％（或以上），亦代表上升方向已改變。

六、一隻股份大升後出現窄幅牛皮（例如喺10％內），代表另一次較大升幅將再出現。

七、拆細通常代表股價快見頂，合併代表股價快見底。拆細代表企業大股東欲出貨，合併代表企業大股東欲收集。

八、大企業股價喺惡劣環境下可迅速回落。最愚蠢嘅投資係喺惡劣環境下買大企業股份〔最近例子例如喺2008年買滙控（005）〕。

九、股價走在消息之前三到六個月。唔好聽消息去決定買賣，請追隨趨勢而非走勢。利用timing買賣投資項目，而非評估該股嘅「價值」係多少。

十、响牛市中每次跌穿250天移動平均線乃入貨訊號；喺熊市中每次升穿250天移動平均線係出貨訊號。

250天線唔係牛熊分界線；「黃金交叉」或「死亡交叉」乃用作印證牛市或熊市出現及死亡（準確度達93％）。牛熊觀念來自道氏理論，相當複雜，並非一般人所講咁簡單。

今 天股市嘅問題在於嗰D管理層並唔係同時擁有該企業。大部分美國企業由CEO負責管理，由於持有認股權證，管理層必須短期內做D刺激股價嘅事件，以便佢地嘅 認股權證變為巨大花紅，因此即使損害企業長期利益亦不顧……。上述係引發金融海嘯背後真正理由，亦係2008年起人人追求短期波幅、置長期上升於不顧嘅理 由。

今次唔係1997年亞洲金融危機，亞洲各國可透過刺激出口去達到復蘇，因1997至2000年歐美國家經濟仍然繁榮。2008年呢次 金融海嘯卻發生喺歐美國家，形成冇一個國家可透過出口去帶動復蘇，能夠刺激內需嘅國家只有一個中國。過去二十個月，各國政府透過印銀紙死頂以維持繁榮，但 由於財富損失數字實在太太太太太驚人，政府新印嘅銀紙相對嚟講只係杯水車薪……。

熊嘅責任就係令愈多投資者受傷愈好！去年11月及今年3 月嘅反彈，目的係令更多投資者受傷。喺熊市中，大跌之後必有反彈，升幅為前跌幅嘅三分一至61.8％；反彈完成後又再大跌，大跌完成之後又再反彈。 1929至 1932年道指熊市回落91％，為期四年，GDP下降27%。1990至2009年日股回落超過70％，時間十九年。2007年10月開始嘅超級大熊市係 短痛抑或是長痛？事後才知道。

全球經濟中心從OECD國家轉向新興經濟實體，此一大方向已十分肯定（4月响內地出版嘅《論勢》就係由呢個角度睇未來）。中國嘅問題只在於由出口推動轉為內需拖動需時幾耐而已；反之，美國經濟長期受債券市場低迷威脅而缺乏起色，恐怕早已進入長期下降軌矣。

資本主義從來唔係一種主義

克 魯明認為中國經濟復蘇將面臨巨大壓力，因為中國貿易盈餘將成為各國針對焦點，估計對美歐系國家壓力十分大。至於中國能否透過刺激內需繼續保存繁榮？仍係未 知之數。中國同日本唔同，日本1990年前將外貿賺番嚟資金喺美國狂購物業，結果1990年代初期响美國物業大跌價中損手爛腳。中國雖然亦有吸納美國企 業而損失不菲，但主力仍以美國政府債券為主，同時亦冇將人民幣大幅升值（1980至1994年日圓升幅十分大）。如中國減少（或唔再購買）美國債券，將令 美國長債利率上升、企業破產，建築業、消費業進一步下降，令美國出現破產浪潮（或稱金融海嘯第二波）。美國政府投鼠忌器，亦唔敢猛咁向人民幣升值施壓，因 擔心連鎖反應下，美國較中國更糟糕。

換言之，美國正步1990年代日本嘅後塵，中國則努力擺脫過去對歐美國家出口嘅依賴度。如有一天能推動內需，便可進入另一繁榮期。

資 本主義唔同社會主義（由政府強加推行），更加唔同共產主義（由政府強力執行）。資本主義喺十八世紀前只係一個概念，建基於：一、共同遵守長期合約精神。政 府响呢方面扮演角色好有限，如有一方唔遵守上述精神，才由法庭決定誰對誰錯；基於政治理由，法庭响呢方面成效並唔理想。如果社會上愈來愈多人唔再遵守合約 精神，資本主義制度一下子便不再存在。二、相信雙方唔會扭曲對方嘅互信，不然話資本主義亦會迅速死亡。三、資本主義從來唔係一種主義，直到十九世紀馬克 斯為攻擊當時存在嘅制度，而指此一制度為「資本主義」。換言之，「資本主義」呢個字眼係由共產主義信徒創造出嚟，未有共產主義前冇人知道此一制度叫做「資 本主義」。四、英國《資本主義、社會主義與民主》一書作者熊彼德進一步解釋，資本主義為尊重「私有產權制」，因此「國有化、價格管制、貿易限制或計劃經 濟」係違反「私有產權」，即使喺資本主義國家推行，都係違反資本主義精神（只有為市民利益而短期內接管銀行，才不算違反資本主義精神）。簡單D講，資本主 義就係遵守合約精神，以及由政府保障私有產權，讓自由市場發展，政府則積極不干預，其他都唔係資本主義。而2007年金融危機後發生嘅一切，其實都有違資 本主義。

綿綿不絕熊市冇咁短命

由 1958年開始，美國經濟每次衰退出現，政府便增加信貸。剛開始初期，只需增加2元信貸便可令GDP多1元；衰退期結束時，財赤平均升幅相等於整個國家 GDP 2.2%。2001年嗰次衰退，政府要增加6元才令GDP多1元；2007年呢一次，至今為止，無論政府增加幾多信貸，GDP都唔肯回升。1973年嗰次 衰退，據Brookings Institution經濟學家George Perry統計，共用咗相等於GDP 4%的金融刺激方案才成功，到2001年嗰次則係GDP 7.2%；今次政府已動用相當於GDP 18%嘅金融刺激方案，至今仍未見效。

過 去六十年，美國經歷兩大綿綿不絕牛市，就係道指由1949年6月13日161.6點上升至1966年1月18日略高於1000點；第二個由1982年8月 776點開始到2000年1月14日嘅11750點。此外，亦曾經歷兩大綿綿不斷熊市，就係由1966年1月開始到1982年8月結束；另一個由2000 年1月開始，至今仍不知何時結束。最惡劣日子係2008年5月至10月。2009年5月應否Sell in May？

以1966至 1982 年經驗，此一綿綿不斷熊市起碼仍有四至五年壽命。此熊市第一波由2000年1月開始，至2002年12月結束；第二波由2007年10月開始2008年 10月結束；未來仲有第三波甚至第四波，情況同1990年代日本相似。今年3月至今股市上升力量主要來自拋空者補倉，一旦完成，相信又再回落。例如花旗今 年首季獲利16億美元（因回購已跌價債券喺賬面上獲利27億美元。會計制度改為mark-to-market，產生4億美元利潤；不然今年首季應虧損28 億美元）。今年第一季美國消費上升2%，儲蓄率回升到4.2%，但失業率升至8.5%及收入減少，而消費上升來自3月份政府刺激方案，相信無法長期維持。 唔少專家認為，今年3月9日開始嘅股市反彈其實只係sucker's rally也！